.**************

علم ٍ لفاني يا هلي علم ٍ خطير
أصبحت وأكني على حرّ الجمر
هلت دموعي كنها مزن ٍ غزير
والقلب مني صار في حزه خطر
قالوا توفى راعي الخير الكثير
حمد عسى يهنى بجنات ونهر
صلت عليه أحشود الجمع الغفير
في يوم جمعه حضرة وقت الظهر
بكى على موته كبير ٍ مع صغير
يدعون له والي السماء محصي البشر
مرحوم ياللي جابر ٍ قلب ٍ كسير
مدّة يده تشبه سحاب ٍ منهمر
كم ضعيف ٍ كم يتيم ٍ كم فقير
خير فضله ودعوا ذلّ الفقر
يا الله يارحمن يا رب ٍ قدير
يا منزل ٍ طه وعم ّ والحشر
تلطف بحاله يا سميع ويا بصير
من هول يوم الحشر وأهوال القبر
وتضفي على قبره رياض ٍ مع غدير
وتمدله لحده ليا حدّ النظر
يا الله عسى ينهى ويكسى من حرير
في وسط جنه عند رب ٍ مقتدر
يا الله يا عالم بما صار ويصير
تسقيه من حوض النبي خير البشر

مشكور


وصح لسانك

مشكور على المرور