رن جوالي آيفون 4 اربعة الجديد آخر واحد طلع الحديث شركة آبل الجديد النيو باللمس ...
اخبروني أهلي ان علي احضار 2صامولي وعصير برتقال تانج رمل , والرمل عكس السائـل ...
رحت للبقالة ووقفت عن باب البقالة انتظر الأخ الهندي يجي وياخذ الطلب ويجيبه لي ...
لكن بالصدفة ناظرت جوا البقالة وشفت (فيروز ) هذا هندي قديم من اول يشتغل في البقالة
طبعا ُ البقالة كبيره جدا ً ويشتغل فيها تقربيا ً 5 عمال من الجنسية الهندية ,
المهم لمحت فيروز وقلت لولد خالي وخر شوي عن باب السيارة لازم انزل واروح اسلم ع الرجال توه جاي من السفر ...
طبعا ً أنا نزلت من السيارة وشفته وشافني وقلت هلااااااا ...
المهم أنا مديت يدي وهو مده يده وسلم علي , لكن أنا الله يجزاني خير قلت
مادامه جاي من السفر ما يكفي السلام باليد لازم , بالخدود وهو معروف السلام عند السعوديين
المهم ( معطت) يدهـ وقربت لم وجهه بقصد الخد بالخد , ولعل أخونا الهندي فيروز خويي الهندي فهم غلط
وهو اللي ينطل جسمه علي وبالأحضـان , طبعا ً أنا ما توقعـت أن المسألة بتصيـر كذا وما توقعت اني في يوم من الايام اني بصير في مثل هذا الموقف ...
لا حول ولا الا بالله ...
طبعا ً هم خمني بالأحضان وعندهم الأحضان تجلس فترة من ثانيتين الى 5ثواني ...
وهذا الفترة مرت علي كأنها اسبوعين , جلست افكر فيها قلت يا ترى ؟
هل ادفعه بيدي وبكل ما املك من قوة , قلت لا لا , هذا تصرف غير سليم وبيزعل الرجال
طبعا ً أنا عمري 23 سنة تقريبا ً وفي حياتي كلها ما احتضنت أحد ,,,
ألا ألا استغفر ذاك اليوم احتضنت اخوي الصغير في متوسط الحين كم مرة احضنه ...
المهم وانا محتضنه ما تعودت على الأحضان يعني يدي ما أدري وين المكان المفترض
يعني انا تقريبا ً أظاهر اني خليتها منطله في الهوا ...
أو اني المفروض احطها فوق راسه او على ظهره أو ما ادري وش اسوي فيها ؟
المهم قلت ما لي الا الصبر والصبر مفتاح الفرج كما هو معروف يا شباب ...
والحمد لله يوم فكني بعون الله وبتوفيقه وبحول الله وقوته , لازالت ما استوعبت الموقف
جلست شوي تقربيا ً حتى رديت علي فهد الطبيعي ثمن قلت لو سمحت تانج تراب تانج رمل تانج بودرة نقط صغير نهي سائل ناي سائل نهي شلاقاهي سائل ضد سائل .........الخ
الاشكالية يا اخوان , أن البقالة مليــاااان عن بكرة ابيها وكل عيال الحي يعرفوني والاشكالية الأكبر
عيال خالتي واقاربي عند باب البقالة واكيد شافو المشهد , لا حول ولا قوة الا بالله ...
طبعا ً تساءلت قلت اكيد بيستغربون , سعودي خام هندي ومحتضنه أو ( سعودي يكن** هندي ) ...
المهم جيت لأهلي ولاحظوا اني ارتعد (انتفض ) لالالالا لا وين عاد مب لذي الدرجة
المهم مر اليوم علي سلام وخلاص بعدها مارست يومي بشكل طبيعي ...
طبعا ً السالفة هذي أمس واليوم رحت العصر وشفته قلت يربيييه عسى ما أسوي شيء الحين ويفهم غلط ...
المهم قبل أمس تقريبا ً أو قبل يومين كنت رايح لأحدى المحلات الملابس الكبيرة حقة المهايط حقة الماركات أسميها محلات المهايط لأن أغلب اللي يشتريها منها يعني تقربيا ً 88% يشترون منها بأسعار هم غير مقتنعين منها فقط من باب رأي الآخرين وحتى يقول الآخرين عنهم ...
المهم دخلت المحل قلت لو سمحت هذي ملابس ممكن ترجعها لي ؟
قال اليمني لا يا عم هذي لها 8أيــام ونظام الشركة يقول استبدال مافي ارجاع ,
قلت لالا انت فاهم غلط , قلت : ما راح الا يومين بس ولكن مثل ما انت عارف الدينا تسرع يعني هي في الحقيقة يومين فقط وليست 8 أيام كما تظن ...
بعدها ابو يمن انجن الله يجزاه خير ضيع تلخبط معد عرف وش يقول وفجأة ضحكة ضحكة هستيرية وتحلطم وقلت امزح معك راح استبدلها ابشر , وجلس طول الوقت يناظر وهو منهبل يناظرني ويضحك ومستغرب ...
وتقريبا ً الرجال شك فيني , وقلت الله يرحم والديك امزح ترا انا انسان عاقل ومتزن ...
هذي موقفين ذكرتهم لكم والجميل فيها ان الأول صاير أمس والثاني صاير قبل يومين تقريبا ً يعني قبل ساعتين تقريبا ً في هذا الزمن ...
